Силсилаи полисии «Хобу бедор» аз имрӯз дар шабакаи Айфилм2 намоиш дода мешавад; қиссае пуршиддат аз рӯбарӯии полис бо як гурӯҳи ҷинояткор, ки дар баробари таъқибу фирор, ба гузаштаи қаҳрамонҳо ва печидагиҳои муносибатҳои инсонӣ низ мепардозад.
«Хобу бедор» бо нависандагӣ ва коргардонии Меҳдӣ Фахимзода, ки яке аз силсилаҳои маъруфи ҷиноӣ ва полисии телевизиони Эрон ба шумор меравад, соли 2002 тавлид шудааст. Ин силсила бо омезиши амалиётҳои ҷиноӣ, таъқибҳои пурҳаяҷон ва қаҳрамонпардозии хос, таваҷҷуҳи тамошобинонро ба худ ҷалб кард.
Қаҳрамони асосии достон «Наташа» бо бозии Рӯё Нунаҳолӣ аст; зане бо гузаштаи норӯшан, ки пас аз солҳои муҳоҷират ба Эрон бармегардад. Ӯ бо «Абдуллоҳ Паланг», як ҷинояткори собиқадор, ҳамроҳ мешавад ва ин ҳамкорӣ ба шакл гирифтани силсилаи ғоратгариҳои мусаллаҳона меанҷомад. Дар пайи ин рӯйдодҳо, полис таҳқиқоти худро оғоз мекунад ва талош барои шиносоӣ ва боздошти аъзои ин гурӯҳ ба марҳилаи нав ворид мешавад.
Аммо он чӣ «Хобу бедор»-ро аз як достони одии ҷиноӣ ҷудо мекунад, танҳо амалиётҳои ҷинояткорона нест. Ривоят тадриҷан гузаштаи қаҳрамонҳо ва муносибатҳои оилавии онҳоро низ ба миён меорад ва нишон медиҳад, ки дар як парвандаи ҷиноӣ, тасмими ҳар як шахс метавонад ба зиндагии атрофиёнаш низ таъсир расонад.
Шахсияти «Наташа» низ яке аз унсурҳои барҷастаи ин силсила ба шумор меравад. Ин нақш бо бозии Рӯё Нунаҳолӣ ба ҳадде мавриди таваҷҷуҳ қарор гирифт, ки номи Наташа то ҳол бо ин ҳунарпеша ва ин силсила пайванд хӯрдааст.
Аз сӯи дигар, яке аз вижагиҳои ривоят ин аст, ки полис дар муқобили ҷинояткорон ҳамеша бартарӣ надорад ва барои расидан ба натиҷа бояд бо нишонаҳои душвор, нақшаҳои печида ва қарорҳои пешгӯинашаванда рӯбарӯ шавад.
Дар ин силсила Меҳдӣ Фахимзода, Руё Навниҳолӣ, Дониёл Ҳакимӣ, Муҳаммад Содиқӣ, Ҳабиб Деҳқоннасаб, Ардашер Тафтӣ, Комрон Тафтӣ, Лайло Бархӯрдорӣ, Матин Азизпур, Акбар Қадамӣ, Сураё Ҳелӣ, Анушервон Фотимӣ ва Ҳусейн Фаллоҳ нақш офаридаанд.
«Хобу бедор» барои тамошобинони Афғонистон ва Тоҷикистон, дар баробари фазои ҷиноӣ ва пурҳаракат, фурсати тамошои яке аз силсилаҳои маъруфи полисии телевизиони Эронро фароҳам мекунад.
Ёдовар мешавем, ки силсилаи «Хобу бедор» аз имрӯз, 1-уми Сентябри 2026, ҳамарӯза соати 17:00 ба вақти Теҳрон, 18:00 ба вақти Кобул ва 18:30 ба вақти Душанбеи Тоҷикистон аз шабакаи Айфилм2 намоиш дода мешавад.
